وزير الخدمة المدنية عبدالناصر الوالي تصايح مع وكيل الوزارة عدنان عبدالجبار،
المهم
عدنان زعل.. وقال ايريب عاروه اللي بايزيد يداوم بالخدمة المدنية والدولة حق نحنا اصحاب تعيز.
بكر اليوم الثاني يشتكي للعليمي والاخير قال له ولا يهمك يا عدنان الا اطيب نفسك حتى لو اعينك وزير دفاع ؟
قال عدنان لا ما ينفعش الدفاع بينه حرب ويمكن اموت انا اشتي مكان بينه بيس.
قاله له العليمي خلاص بعينك عضو بمجلس ادارة البنك المركزي ولو انك ما تفهم بالقطاع المصرفي والسياسة المالية والنقدية لكن سهل مشي حالك قد البلد كله خربان.
المهم صنج له العليمي قرار في البنك المركزي هههه
بعدين فيه عضو مجلس قياده ثاني زعل وقال والله ما يداوم عدنان في البنك المركزي،
وقد كانوا با يتخابطوا بمطايب المرق في معاشيق..
رجع حل المشكلة عضو ثالث وقال خلاص يا خبير وانت با نعين صاحبك العملسي برضه عضو بمجلس ادارة البنك المركزي ولا تزعل ،، وهو صاح وقال وهييييه،
وعضو رابع قال وهي تدي طلي
كنت اعتقد ان تعيين عدنان عبدالجبار عضوا بمجلس ادارة البنك المركزي مجرد مزحة ثقيلة وسخيفة،
لكن طلع الخبر صحيح وواضح ان كل شيئ وارد في عهد العليمي.
طبعا عدنان عبدالجبار كان مديد عام في الخدمة المدنية وقبل سنوات اصبح وكيلا للوزارة وهذا منطقي.
لكن ما علاقة هذا الشخص بالسياسة المالية والمصرفية والنقدية يا رشاد العليمي حتى تعينه عضوا بمجلس ادارة البنك المركزي ؟
وعاد القرار غير معلن لانه فضيحة
هو بس انكشف الامر في اجتماع مجلس ادارة البنك بعدن وترحيب المحافظ بالعضوين الجديدين عدنان عبدالجبار والعملسي.
والعملسي برضه لا علاقة له بالقطاع المصرفي لا من قريب او بعيد.
المهم شغل مناطقي حقير لا علاقه له بالدولة ولا بمواجهة الكوارث الاقتصادية في اليمن