قبل ٣٠ سنة تقريباً ظهر شخص في جبال صعدة ؛ قال للناس:
اسمعوا انا جدي النبي؛ ومعي تفسير خاص بالقرآن ؛ وكل اللي تعلمتوه في الدين من تفسير وأحاديث وفقة ووو من ١٤٠٠ سنة مالكم منه ؛ كله غلط ولا ينفع بريال ؛ ومالكم من كل علماء الدين اللي كتبوا الآلاف الكتب ؛ حتى الصحابة مالكم منهم ؛ محد فهم القرآن مثلي أنا ؛ وقد عملت لكم ملازم ؛ فيها كووول شيء ؛امشوا عليها وباتدخلوا الجنة على ضمانتي.
واسمعوا ... العالم كله بايحاربني علشان هذه الملازم؛ لان فيها التفسير الصحيح للقرآن اللي بايخليكم تحكموا العالم لو مشيتوا بعدي ؛ ولا تنسوا الصرخة ؛ كما هذه بيقاتلوكم عليها لأنها تهز النظام العالمي وتفكفك أبوه.
طبعاً حصل له خجف صدقوا كلامه ، واصبح زعيم جماعة ورمز مقدس وسموه "قرين القرآن" ، والخجفان حقه شلوا البلاد كلها ودخلوها في حرب مع الإقليم والعالم من 22سنة ولليوم ، ومحد يقدر يقنعهم ان اللي يعملوه غلط وانهم يدمروا انفسهم واهلهم وبلادهم ، وان صاحبهم هو الا واحد جاهل ولا فاهم شي بالدين.
تقلهم الله قال في القران كذا ، يقولوا لك : لااااع لا .. سيدي زعيط قال في الملازم كذا وهو الوحيد اللي فهم القرآن وفسره.
يا جماعة .. الرسول قال كذا ، يقولوا لك : لااااع لا .. سيدي زعيط قال في الملازم كذا
يا خبرة الصحابة قالوا كذا ، يقولوا لك : لااااع لا .. سيدي زعيط قال في الملازم كذا
طيب يا جن .. في معانا دولة ودستور وقانون وأحزاب ونخبة وديمقراطية ووو ، يقولوا لك : لااااع لا .. سيدي زعيط قال في الملازم كذا
ملى دمرتم البلاد والعباد وسيدكم اول واحد قرح راسه بسبب الفكر حقه ، فكركم ومشروعكم غلط في غلط ، يقولوا لك : لااااع هو استهدفوا علشان الفكر القراني حقه ، علشان المسيرة القرانية ما تنتشر بين الناس كلها وتحكم العالم.
وهذا نفس الخبر مع نظام الطيبات وصاحبه ضياء العوضي
و #شوكرن