سؤال كثير يوجه لي ، وجوابي دائماً : أولاً انا مش مع الانفصال
ثانياً بالنسبة لي الانتقالي أولاً ككيان اشوفه افضل السيئين.. افضل ما هو موجود بالساحة ، حتى مشروعه فك الارتباط واستعادة الدولة الجنوبية
لأن المقابل له من هم ؟ الحوثي وأصحاب "اليمن الكبير"
وهؤلاء اسوء وألعن .. ليش؟
لان الانتقالي اذا كان يريد يقسم اليمن دولتين ، فذولاء ما عندهم مانع يتقسم اليمن 20 دولة
الحوثي وأصحاب "اليمن الكبير" مشروعهم يبقى اليمن واحد ويحكموه من صنعاء ، بالرضى او بالزجى ، مايفرقش عندهم
وطبعا "الوحدة بالزجى" بعد كل اللي حصل ، يعني تفتت اليمن شذر مذر
واذا مافيش "وحدة بالزجى" .. الحوثي وأصحاب "اليمن الكبير" عادي يتقسم اليمن 100 دولة
منطقهم : يا نحكم "اليمن الكبير" والا لا زاد بقي
شوفوهم الان كيف يطبلوا لعمرو بن حبريش اللي يشتي حكم ذاتي لحضرموت ، وهو مشروع مفروض انه يناقض "الوحدة" حقهم، بس مش مهم ، المهم انه بايدق الانتقالي ومشروعه ، المهم عندهم تخرب على الانتقالي حتى لو خربت عليهم
مشروع الانتقالي بالنسبة لي اهون الضرر كـ "وحدوي"
لانه اولاً يقلهم : تعالوا نستعيد صنعاء وننهي الحوثي وبعدين يتفاهم على موضوع الوحدة
يعني الهدف الأهم بايتحقق ، وبعدين معانا مرحلة انتقالية وفيها استفتاء للجنوبيين ، وهنا في احتمال انهم يختاروا الوحدة
واذا اختاروا فك الارتباط واستعادة دولتهم
فالأمر ما بيكون كارثي ، بانرجع بس الى ما قبل عام 90م ، وهنا كمان بيكون في أمل نتوحد من جديد على أسس جديدة
اما اللي يشتي وحدة 94 او يرجعنا الى ما قبل 67 و 62
اكيد "الوحدوي" الحقيقي لن يكون معه
--
وشوكرن