في ٢٠١٥م لما طرد الحوثي من عدن والجنوب شر طرده
كان في ناس مصممة ان الحوثي ما هزم وان اللي حصل هو اتفاق وقع بين عفاش والامارات
رغم ان العاقل يعرف ان عفاش ما كان له اي دور في قيادة الحرب يومها والحرب هي حرب الحوثي وإيران
لكن كارح لك ذي العقول
طرد الحوثي من باب المندب والمخا وكانت اعظم هزيمة لان ايران صنعته من اجل تمد يدها على باب المندب
وذيك العقول مصممة انها مسرحية
وبعدها بسنتين بدأنا نشوف الخلاف يتصاعد بين عفاش والحوثي وكانت الامور واضحة انها باتقرح بينهم
وذيك العقول ترطن : لا تصدقوش هي الا مسرحية بينهم
وقرحت في صنعاء وقتل عفاش وهرب طارق للجنوب وشكل قوات بالمخا وقاد مع الجنوبيين معركة ووصلوا لما الحديدة وكانت هزيمة مذلة للحوثي
وذيك العقول مصممة انها مسرحية وفي لعبة واتفاق بالموضوع
توقفت الحرب بالداخل وقفز الحوثي يتبلطج بالبحر الاحمر
وقلنا انه الوضع تغير والمجتمع الدولي خلاص موقفه تغير وشفنا لأول مرة امريكا وبريطانيا تقصف الحوثي بدل ما كانت امس تدلعه
وذيك العقول قفزت تقول : لاتصدقوش هي الا مسرحية
اجا ترامب وصنف الحوثي منظمة ارهابية وشن عليهم قصف عنيف ٥٠ يوم قارح مخازن صواريخ عبدالملك الحوثي بنفسه ما يعرفها
وذيك العقول مكانها تنعق : لاتصدقوش هي الا مسرحية
كشحت إيران الحوثي بحرب مع اسرائيل
وبدأت اسرائيل تضربه
وقلنا ودف الحوثي.. مصيره زي حزباله بس شوية وقت
وذيك العقول مكانها تنعق : لاتصدقوش هي الا مسرحية.. ليش ما يصفوا قيادات حوثية
وكنا نقول شوية وقت بس عادها اسرائيل الا بدأت
لمخت اسرائيل حكومة الحوثي بكلها وقلنا هذا اختراق كبير
وذيك العقول مكانها تنعق : لاتصدقوش هي الا مسرحية.. ليش ما يدقوا قيادات عسكرية
طلع الحوثي واعلن مصرع الغماري وعاده ساكت على مصير قيادات كبيرة زي وزير الدفاع والداخلية
واليوم منصة اسمها واعي
صفت الفيس من حسابات الحوثه لانهم مصنفيين بامريكا ارهاب وهذه منصة امريكية يعني الامر عادي
ورجعت ذيك العقول مكانها تزبط : لاتصدقوش هي الا مسرحية من الحوثي علشان يغطوا مدري
المهم عقول يشتي لها سراويل تتغطى
حتى لو دقوا عبدالملك باتطلع تقول:
لاتصدقوش هي الا مسرحية