- قالوا ان عد باقي شويه بس ويزيد طارق عفاش يظم الصومال وجيبوتي الى جروب الساحل الغربي
كيف تشوفي يالول ؟
-والله مش بعيد يعملها عنادا للنائب شوقي القاضي المطرود من جروب مجلس النواب
- طيب ماهي مشكلتهم مع طارق ؟
مره قالوا انه يشتي يخرب ديموجرافية تعز !
ومره قالوا انه جالس يصطاد سمك بالمخاء !
وذلحين قد بيقولوا انه يشتي يعمل دولة مستقلة في المخاء وينفصل عن جروب اليمن!
وان عمل طريق سبوه
وان عمل مشروع مياه سبوه
وان عمل مدرسة ومستشفى وكهرباء سبوه
وان عمل مطار سبوه
وان وزع سلال غذائية سبوه
وان قال هدفنا صنعاء وبس سبوه
وان قال عدونا هو الحوثي وبس سبوه
وان عمل جيش محترم قائم على عقيدة وطنية يمنية خالصة سبوه
وان قال اليمن بلادنا كلنا سبوه
المهم كل يوم وفوق راسه مرجام .. مايشتوا منه بالضبط يالول ؟
- ياذاك هم يشتوه يكون ساعهم
يفلت جنوده في الميدان ويسير يعيش له في اي دولة بالخارج ويعمل له من هناك جروب في الواتس
ويخلي عباس يركب دباس
ويخلي شوقي القاضي مديرا للجروب