آخر تحديث :السبت-04 مايو 2024-11:52م

مقالات

التوظيف الوهمي

الأربعاء - 24 أبريل 2024 - الساعة 01:33 م

بقلم: فهمي الباحث
- ارشيف الكاتب

اتصل بي صاحبي عُبيد يقول بارك لي. مبروك، على ايش؟ قال انا مسافر الإمارات اتوفقت في شغل مع شركة نفطية بعد منافسة شديدة بس باقي لي حق الفيزا وتكاليف السفر
- حلو يا عبيد، طيب ممكن تشرح لي التفاصيل؟
طلبت منه الإيميلات والمواقع والأسماء، بعد بحث بسيط طلع موقع الشركة اللي تقول لها ٤٠ سنه تشتغل لسه له اقل من شهرين، والأسماء الموجوده وهمية، والعناوين وهمية، المهم حولوه على أساس لشركة سفر، عشان ترتب له موضوع السفر وطالبين منه مبلغ محترم جدا عشان الفيزا وتذاكر الطيران.
يا عبيد يا عبيد مش هكذا، الجماعه بيلهفوك المبلغ كله، ويالا بالصميل صدقني، تعبت وانا اشرح له، قال يعني المقابلات حق الوظيفة والإختبارات كله كذب؟ أيوه كله كذب
- طيب يا عبيد انت قدمت على شغل معاهم؟ والا كيف عرفوك؟ قال لا هم تواصلوا معي قال يمكن شافوا حسابي في موقع لنكد ان.
الخلاصه، انتبهوا واحذروا لا توقعوا في الفخ مثل ما كان صاحبي بيوقع فيه، وسلامتكم.